خنتك اي نعم بس خلي اكلك ليش
اسباب الخيانه كبالك هوايه
واحد خمسه عشره وبعد عشرين
همزين الله جابك ... احسب ويايه
غيره احساس حب وعشك وجنون
منك ما شفتها ... شلونك بهايه ؟
تعرف غايتي من خنتك شـ جان ؟
بس بيه تحس ماعندي غايه
راجعلي وتريد تسولف وياي
اسكت ما اريدك تحجي الحجايه
ورايه انت وتريد ارجعلك شلون
امشي بدربي ما باوع ورايه
تحب انت النهايات السعيده
روح وهاي الك اسعد نهايه
الشاعر ايسر العراقي